Matunog nga ginabati-bati ang reunion sang Taiwanese boy group nga F4 sa 2026.
Base sa mga report, nagsugtanay sanday Jerry Yan, Vanness Wu, Ken Chu, kag Vic Chou nga mag-updanay para sa concert nga amo ang magamarka sang 25th anniversary sang ila nga debut.
Natukod ang F4 sang 2001 sang sanday Yan, Wu, Chu, kag Chou ang nag-updanay sa fictional group sang amo man nga pangalan sa hit drama nga Meteor Garden.
Sa amo nga drama nga nagsikat ilabi na sa Pilipinas, bida man ang late Taiwanese actress kag singer nga si Barbie Hsu ukon si Shan Chai.
Tatlo ka albums anay ang na-record sang F4 nga amo ang Meteor Rain (2001), Fantasy 4ever (2002), kag ang Waiting for You (2007) kun sa diin gin-tour pa nila ang Asya.
Na-disband sila sang 2009, apang bisan separado na, aktibo sila sa show business bilang solo performers.
Katapusan nga nag-reunite ang F4 sa Spring Festival Gala sang Jiangsu TV sa China sang 2013.
