Kinahanglan nga may suksok nga face shield ang mga tawo nga nagasulod sa Iloilo Provincial Capitol lakip na ang mga empleyado kag sa mga may transaksyon.
Sa interview sang Bombo Radyo kay Iloilo Gov. Arthur Defensor Jr., iya ginpahayag nga agud nga ma proteksyonan ang mga nagakadto sa kapitolyo, dapat nga may suksok nga face mask kag face shield ang mga tawo nga nagasulod.
Suno kay Defensor, indi makasulod sa kapitolyo ang tawo nga wala sang face shield.
Dugang pa sang gobernador, dapat nga magsuksok gid sang face shield sa mga lugar nga mabudlay masunod ang physical distancing.
