Nagpaguwa sang Executive Order No. 26 si Iloilo City Mayor Jerry Treñas nga naga-suspend sang tanan nga face-to-face nga klase sa tanan nga level sa private kag public schools sa Iloilo City subong nga adlaw kadungan sang pagsugod sang local campaign period.
Sa interview sang Bombo Radyo kay Joy Fantilaga, spokesperson ni Mayor Treñas, iya ginpahayag nga ang tikang ang sabat sa ginalauman nga pagdugok sang mga supporters sang tagsa ka mga partido.
Tinutuyo man sang tikang nga malikaw sa huol ang mga estudyante.
Suno kay Fantilaga, lakip sa EO ang pagsirado sa pila ka mga dalan sa City Proper padulong sa Iloilo Freedom Grandstand.
Nahibaluan nga may yara sang hiwaton nga campaign kick-off rally ang Team Uswag sa Freedom Grandstand sugod las 4:00 sa hapon.
Samtang may yara man sang motorcade para sa kaadlawan ni Former President Rodrigo Duterte nga magasugod sa Sta. Teresita Church pagkatapos sang las-2:00 sa hapon nga misa.
