ILOILO CITY- Ginalauman nga mabalik na sa katapusan sang Marso ukon sa una nga semana sang Abril ang limited face-to-face classes sa mga main campus kag external campuses sang Iloilo Science and Technology University.
Sa interview sang Bombo Radyo kay Dr. Raul Muyong, presidente sang ISAT-U, iya ginpahayag nga subong nga adlaw, magasapol ang katapo sang crisis management committee agud i-finalize ang self assessment checklist agud nga mapasa na ang tanan nga mga requirements sa Commission on Higher Education (CHED).
Dugang pa ni Muyong, ang tanan nga mga campuses ang maga-offer sang limited face-to-face classes.
Gin-athag ni Muyong nga ang mga estudyante kag manunudlo nga fully vaccinated gid lamang ang makabalik sa eskwelahan.
Ang mga indi vaccinated nga estudyante nga indi makabalik sa eskwelahan ang mahimo sa gihapon nga maka eskwela sa online modality.
Ginpasigurado sang unibersidad nga masunod sa gihapon ang mga protocols.
Samtang, dako ang posibilidad nga matabo ang face-to-face graduation.
Gani suno kay Muyong, dapat nga magpabakuna na ang mga estudyante nga sa gihapon, unvaccinated tubtob subong.
