ILOILO – Nakahanda ang probinsya sang Iloilo sa tion nga mapahanugutan na ang face-to-face classes sa pagbukas sang school year sa Agosto 2021.
Sa interview sang Bombo Radyo kay Dr. Roel Bermejo, Schools Division Superintendent sang Department of Education-Iloilo, iya ginpahayag nga ginapahanda na ang mga buluthuan sa probinsya sa tion nga magmando na ang National Government sang face-to-face classes.
Suno kay Bermejo, sa 1,169 nga mga buluthuan sa probinsya, 922 diri ang sa elementary, 179 diri ang sa secondary kag 68 ang integrated school.
Yara naman sa 21, 892 ang kabug-usan nga numero sang mga personnel sang Department of Education (DEPED) Iloilo.
