Nagpangayo sang pasensya ang Meta bangud sa na-report nga panibag-o nga major disruptions sa ila nga platforms subong nga kaagahon.
Base sa reports, na-eksperyensyahan ini sa Facebook, Instagram, Threads, kag sa Messenger.
Sa ila official page sa X, nagsiling si Meta nga may technical issue nga ginapangatubang sa Instagram apang ginahikot na subong agud magbalik sa normal ang operasyon. Nag-sorry ini sa inconvenience nga natuga.
“We’re aware that a technical issue is impacting some users’ ability to access our apps. We’re working to get things back to normal as quickly as possible and apologize for any inconvenience.”
Sa Messenger, madamo ang indi maka-send sang mensahe kag may nagaguwa nga “Facebook Will Be Back Soon”.
Matandaan nga natabo man ini sang Marso 2024 sang hinali nga nagbisyo ang Facebook, Instagram, kag Threads. Sang Oktubre 2022, may yara man sang kaangay nga pattern sang service interruptions.
