Ginhakwat sang reigning kag eight-time Most Valuable Player (MVP) nga si June Mar Fajardo ang San Miguel Beermen agud makasulod sa semifinals kag makasambuwa si Justin Brownlee kag ang Barangay Ginebra.
Ang 40 puntos kag 24 rebounds ni Fajardo amo ang isa sa iya pinakamaayo nga performance sa iya malawig nga karera sa Philippine Basketball Association (PBA).
Ginpangunahan sini ang 109-105 nga kadalag-an sang Beermen batok sa Converge sa ila nga do-or-die Game 5 sa quarterfinals sa Governor’s Cup nga ginpatigayon sa Ynares Center sa Antipolo, Oktubre 6.
Nakabulig naman si CJ Perez sang 10 points, 9 assists, 6 rebounds, kag 2 steals para sa San Miguel para sa ila pag-abanse sa semis sa ika-anum na nga sunod-sunod nga conference.
Balantayan ang una nga semifinal match sa tunga nanday Brownlee kag Fajardo kag ila teams 5:00 sa hapon sa Myerkules, Oktubre 9.
