ILOILO CITY–Nagpatigayon sang simple nga party ang Iloilo City District Jail Female Dormitory agud saulogon ang bag-ong tuig.
Sa interview sang Bombo Radyo kay JO2 Rosalie Taleon, iya ginpahayag nga may yara sang ginpatigayon nga disco, parlor games kag salu-salu sa sulod sang jail facility para sa mga babayi nga preso.
Ini ang pamaagi man agud nga makuha ang kasubo nga mabatyagan sang mga preso nga wala ginbisita sang ila himata.
Kalabanan sa mga babayi nga preso suno kay JO2 Taleon ang gikan sa malayo nga lugar.
Sa sini nga holiday season, nagahatag man sang konsiderasyon ang pamunu-an sang jail facility sa diin ila ginhatagan sang extention ang visiting hours nga sadto anay wala ginapatuman.