Nagpaguwa ang Filipino Academy of Movie Arts and Sciences (FAMAS) sang official statement nga nagaunod sang public apology para sa beterana nga aktres nga si Eva Darren nga na-imbitaran bilang presenter sa awards night apang wala man napasaka sa stage.
Ang statement sang organisasyon ang kasunod sang ginsapubliko ni Fernando De La Peña, anak ni Eva, nga naghanda ang iya iloy bangud nakabaton sang imbitasyon halin sa FAMAS sang nagligad pa nga binulan.
Nagkadto ini sa event bisan may edad na kag malain ang tyempo.
Nagpreparar ini agud mangin presentable ang iya itsura, ginsaulo ang iya script, kag gindala pa ang iya mga apo sa venue apang sang tion nga siya na ang ma-present, nakit-an sini nga ang kaupod sang partner kuntani sini nga si Tirso Cruz III sa stage amo na ang iya utod.
“After the glitz and glamour shots with air-cheek-kisses and what not, everyone eventually took their seats and the awarding commenced. During the point where she was supposed to present an award, her partner, Mr. Tirso Cruz III went upstage with an upcoming young singer instead. Not my mom,” suno sa anak.
Nagpauli na lamang ang aktres apisar wala pa natapos ang programa.
Gintawag naman sang anak nga “disrespectful”, “unethical”, kag “unprofessional” ang nahimo sang award-giving body ilabi na bangud wala man sang paathag ang PR officer kundi lunsay sorry lang ang nahatag sa aktres.
“My Mom said ‘it’s okay’ but decided to leave nonetheless. I couldn’t blame her. Staying around was just rubbing salt on her FAMAS-inflicted wounds,” suno pa sa anak. “It is rude. It is disrespectful. It is unethical. It is unprofessional to say the very least.”
Paathag naman sang award-giving body, wala nila nakit-an ang aktres sa kasagsagan sang programa rason nga wala ini nalawag kag wala nakaupod sa partner kuntani sini nga si
Ginsiling man sang FAMAS nga indi hungod ang natabo, kag gin-ako man nga nangin pabaya ang ila nga production team.
Nagtanyag man ang organisasyon nga magbawi kag kuhaon liwat ang salig sang aktres paagi sa personal nga pagbisita sang FAMAS board agud nga i-honor ang iya stature kun iya pahanugutan.
“Rest assured that this was not intentional and purely a misjudgment. The show is being streamed live and needed to be remedied right away. Hence, a replacement for Miss Darren was done last minute,” suno sa FAMAS. “We truly value Miss Darren and the rest of the veteran stars present last night true to the Homecoming Concept of the show. But as there were brilliant moments to the most star-studded awards night in recent memory, there were also hitches and unfortunate developments in a live show such as this one.”
Popular ang FAMAS bilang oldest existing film industry award-giving body kag kilala man bilang local Oscars kun sa diin ginakilala sini ang mga kadalag-an sa Philippine cinema sa sulod sang isa ka calendar year.
