ILOILO CITY – Nakahanda na ang mga family food packs sa nagkalain-lain nga local government unit sa Western Visayas para sa mga posible maapektuhan sang Tropical Storm nga Egay.
Sa interview sang Bombo Radyo kay Atty. Carmelo Nochete, director sang Department of Social Welfare and Development Region VI, iya ginpahayag nga apisar nga base sa forecast, indi direkta nga maga-igo si Egay sa Western Visayas, naka-preposition na ang 52, 000 family food packs.
Samtang, sang nag-agi ang southwest monsoon nga ginpabaskog sang Tropical Depression “Dodong” kag nagresulta sang lapnagon nga pagbaha, nagpanagtag sang 314 tanan nga family food packs ang ahensya.
276 diri ang ginhatag sa Iloilo City samtang 38 ang gin-distibute sa Sibalom, Antique.
Nagpasalig ang ahensya nga nakahanda na ang assistance para sa mga pamilya nga posible maapektuhan sang malain nga tyempo.
