Ginpaathag sang Family Planning Organization of the Philippines (FPOP) – Iloilo Chapter ang importansya sang paggamit sang condom agud nga malikawan ang pila ka mga balatian.
Sa interview sang Bombo Radyo kay Mona Liza Diones, Chapter Program Manager sang Family Planning Organization of the Philippines (FPOP) – Iloilo Chapter, iya ginpahayag nga nagapanagtag sila sang libre nga condom agud nga malikawan ang Sexually transmitted diseases (STDs).
Suno kay Diones, ang ila pagpanagtag ang nakasanto man sa nangin mandato sang Department of Health (DOH).
Gin-athag man sini nga ang tikang nga ila ginapatuman ang isa ka prevention agud wala na sang mga menor-de-edad nga maka-engage sa mga indi manami nga akto.
Nahibaluan nga sa ila ginpatuman nga survey, may mga kabataan nga kalalakihan nga naga-offer sang madasig nga kalipayan nga mahimo matunaan man sang pag-angkon sang balatian.
Sa subong, yara na sa masobra 2,000 ka mga indibidiwal ang nagpadulong sa ila nga talatapan agud nga magpaidalom sa tests.
Ginakabug-usan naman ini sang edad nga 15-anyos pasaka.
