ILOILO CITY- Dako ang mabulig nga mahatag sang pagsuporta sang pamilya sa iya ka babayi nga bag-o lang nakabun-ag agud mahagan-hagan ang epekto sang post partum depression.
Sa interview sang Bombo Radyo kay Francis Ray Subong isa ka registered guidance councilor kag katapo sang Western Visayas Psychosocial Support on COVID 19, iya ginpahayag nga ang post partum depression ang kalabanan nagakatabo isa ka semana ukon isa ka bulan matapos nakabun-ag sang iya anak ang isa ka babayi.
Mahimo man maka-eksperyensya sang post partum ang mga kalalakihan sa tion nga nabun-ag na ang ila anak.
Suno kay Subong, lakip sa mga sintomas sang post partum depression ang ginalakipan sang pagbag-o pattern sang pagtulog, tuman nga kasubo, mood disorders kag iban pa.
Importante suno sa iya ang suporta sang pamilya, agud indi makabatyag sang pag-isahanun ukon iban pa nga negatibo nga emosyon ang isa ka babayi.
Kun nagalala na ang nabatyagan nga sintomas sang PDD, nagakinahanglan na ini sang psychological support gikan sa mga eksperto.
