ILOILO CITY – Ang isa ka avid fan ang handa nga maggasto agud nga maglantaw sang tanan nga concerts, block screening sang movies, ukon merchandise sang ila nga idol.
Apang, sa Argentina, mas sobra pa ang ginhimo sang isa ka avid fan sang Latino superstar nga si Ricky Martin.
Nagpaidalom man lang ini sa nagkalain-lain nga cosmetic procedures sa tinutuyo nga makopya ang look sang iya nga idol.
Ginhimo na ni Fran Mariano ang halos tanan nga pamaagi agud nga ma-transform ang kaugalingon kay Ricky Martin lakip na ang pagpa-inject sang motor oil sa iya nga kilay, kag madamo pa nga procedures nga nagresulta sa serious physical kag psychological effects.
Suno sa iya, halos indi na niya mabatyagan ang katunga sang iya nawong, ang iya nga ilong, kag ang iya nga sag-ang.
Sa tion nga mag-inom ini sang champagne, kinahanglan pa niya nga maggamit sang napkin bangud nga nagaka-ula ini sa iya.
Apisar nga indi na ang niya mabalik ang nahimo nga cosmetic enhancement, gusto ni Mariano nga ipakigbahin ang iya istorya sa paglaum nga indi ini paghimo sang iban.
Ikaw, ano ang masarangan mo nga himuon para sa tawo nga palangga mo… ang imo nga celebrity idol?
