Ginkalipay sang mga fans sang tennis star nga si Novak Djokovic matapos gin-anunsyo sini ang iya paghampang sa Tokyo Olympics.
Suno sa Serbian tennis star, sigurado na siya sa iya nga pag-intra sa hampang kag handa na ini nga ipadayaw ang hayahay sang Serbia.
Ginakabig ni Djokovic nga dako nga kahigayunan ang iya pag-intra sa Tokyo sa diin isa ini ka motibasyon para man sa iya nga paghampang sang tennis.
Matandaan nga nagdaog man ang 34 anyos nga tennis star sa Australian Open, French Open kag Wimbledon subong nga tuig.
