Gin-aprubahan na sang Department of Transportation ang rekomendasyon halin sa Land Transportation Franchising and Regulatory Board nga magpatuman sang fare hike ukon pagtaas sang plete sa masunod nga semana.
Ini ang ginkumpirma mismo ni LTFRB Chairman Greg Pua kasunod sang panawagan sang transport sector bangud sa padayun nga nagataas nga presyo sang produktong petrolyo.
Mangin epektibo ang nasambit nga pagtaas sang plete sa lunes nga adlaw, Setyembre 28.
Para sa traditional Jeepney:
Halin sa P13, mangin P14 na ini sa una nga apat ka kilometro.
Kun maglapaw na sa 4km, pagadugangan ang plete sang P2 kada kilometro halin sa P1.80
Yari naman ang panibag-o nga minimum fare ukon pamasahe para sa Modern Jeepneys:
Halin sa orihinal nga pamasahe nga P15 sa una nga 4 kilometers, mangin P17 na ini.
Kun maglapaw naman sa 4 kilometers ang byahe sang pasahero, madugangan na ang pamasahe sini sang P2.40 halin sa P2.20
Sa liwat mangin epektibo ang nasambit nga FARE HIKE sa lunes nga adlaw, Setyembre 28.
