𝗜𝗟𝗢𝗜𝗟𝗢 – Nangin mabinungahon ang ginpatigayon nga Farmers and Fisherfolk’s Week 2024sa Iloilo Provincial Capitol grounds.
Tema sang aktibidad amo ang “Nagaka-igo kag Moderno nga Teknolohiya, Kadalag-an sang Panguma kag Pangisda sa aton Probinsya.”
Gindayaw ni Department of Agriculture Western Visayas (DA-WV) Regional Technical Director for Research and Regulations Zarlina B. Cuello ang Iloilo provincial government bangud sa pagkilala sa kontribusyon sang agricultural producers kag fisherfolk agud maangkon ang food security kag mapasanyog ang ekonomiya.
Ginkilala man ni Cuello ang papel sang mga kababaihan sa agrikultura.
Nahibaluan nga subong nga Oktubre, ginlunsyar man ang Bulan sang Kababaihan sa Kaumahan sa diin ginahatagan sang importansya ang papel sang mga babaye sa pagpanguma kag pangpangisda.
