Nagapanawagan ang grupo sang mangunguma sa Department of Agriculture (DA) nga magpatuman na sang price ceiling sa baboy bangud sa padayon nga pagsaka sa retail cost sini nga nagadangat na sa P420 ang kilo sa pila ka mga lugar.
Suno sa Philippine Chamber of Agriculture and Food, ang farmgate price sang karne sang baboy ang nagatupa lamang sa P140 – P160 per kilo apang pag-abot sa merkado, nagapang-lakaak ini sa lapaw P400.
Ang ginarekomendar nga solusyon amo ang temporary price ceiling bangud may yara sang penalidad sa indi magsunod diri nga patakaran — indi kaangay sa suggested retail price.
Nahibaluan nga sa Iloilo, base sa pinakaulihi nga inventory sang Provincial Veterinary Office, P380 kada kilo ang average selling price sang karne sang baboy.
Ang pinakamataas naman nga presyo ang na-rekord sa banwa sang Santa Barbara kag Pavia nga nagadangat sa P420 kada kilo.
Ginaangot ini sa epekto sang African Swine Fever kag amo man sa inflation nga amo man ang nagpasaka sa presyo sang inputs kaangay sang feeds kag logistics.
