ILOILO CITY – Tuman nga kakulba ang nabatyagan sang mga pasahero sang Weesam fast craft nga naaberya samtang padulong ini sa siyudad sang Bacolod gikan sa Lapuz wharf sa Iloilo City.
Sa interview sang Bombo Radyo, ginapahayag ni Tonette Toledo nga isa sa mga pasahero sang naaberya nga fast craft, 20 minutos matapos na sila nga nagapanakayon sang gulpi napatyan sang makita ang Weesam.
Ginapahayag nga ginlamon sang makina ang kalat rason nga ini ang napatay.
Nagsinggit sila bangud sang kulba suno kay Toledo.
Dismayado naman ang mga pasahero matapos nga madugay ang pagpakig-angot sang mga crew sang fast craft sa Philippine Coast Guard.
Naglab-ot pa sang 30 minutos suno kay Toledo antes nga nagpangayo sang bulig ang mga crew sang fast craft sa Coast Guard.
Natinguhaan nga mapaandar ang isa sa duha ka makina apang nagdesisyon ang Weesam nga magbalik na lang sa Iloilo wharf kag indi na magpadayon sa Bacolod.
Kapin 200 ang pasahero sang amo nga fast craft.