Masobra isa na ka oras na na stranded ang fastrcraft sang Supercat nga may byahe Bacolod Iloilo vice versa.
Sa exclusive interview sang Bombo Radyo Iloilo kay Mr Jude Fabular, isa ka manunudlo, kag pasahero sang sakayang, iya ginpahayag nga naghalin sila Bredco Port sa Bacolod City kag padulong sa Syudad sang Iloilo.
Apang pag-abot sa baybayon sang Guimaras, nag angkon sang engine failure ang fastcraft.
Nagreklamo naman ang mga pasahero bangud sa madugay nga pagresponde sang Philippine Coast Guard (PCG).
Samtang sa interview sang Bombo Radyo kay Lieutenant Commander Ramil Palabrica, tagpamaba sang PCG Western Visayas, iya ginpahayag nga ginapadasig na nila ang pagresponde sa insidente.
