Nagpahanumdom si Father Aries James Java sa iya homily kaina sang aga sa Jaro Metropolitan Cathedral nga bilang tumuluo nga Katoliko, may ara ini sang katungdanan kag obligasyon sa pagpalapnag sang kaayuhan sang Diyos.
Suno kay Father Java, apisar mabudlay maghatag sang tion sa Diyos madamo gihapon sang pamaagi agud mapalapnag ang gugma sini bilang mga Kristiyano.
Pahayag pa sini nga ang Diyos padayon nga nagagiya kag nagahatag sang kusog sa tagsa ka mga indibidwal sa tunga sang mga pagpanghangkat sa kabuhi.
Dugang pa sini nga mahapos lamang matuman ang mga ginahandom sa sini nga kabuhi kon ang kada isa ang may ara sang pagtuo kag pagpalangga sa isigkatawo.
