Nag-walk out si Miss Universe 2025 Fatima Bosch sa isa ka interview sa American Spanish-language TV network matapos siya ginpamangkot angot sa kontrobersiya nga nagapalibot sa pageant kag sa iya pagkadaog.
Ginkumpirmar sang network sa ila Facebook page nga naghalin ini sa tunga-tunga sang taping kag gin-cancel man ang tanan niya nga naka-schedule nga pagpakita sa telebisyon.
Suno sa report, guest si Miss Mexico sa isa ka international program.
Lakip sa mga gin-istoryahan ang isyu angot sa pag-freeze sang account ni Miss Universe Organization (MUO) president Raul Rocha bangud sa ginaalegar nga kaangtanan sini sa iligal nga droga, kag ang kaso nga gin-file batok kay Fatima sang Miss Universe Thailand kag Miss Grand International (MGI) president Nawat Itsaragrisil.
Sa pagsugod sang interview, nagsabat pa ang beauty queen nga wala siya sang bisan ano nga kaso kag nagpahayag nga indi na niya luyag palawigon pa ang istorya.
Apang ginbuyagyag sang isa sa mga host nga antes pa magsugod ang airing, ginhambalan sila ni Fatima nga ang iya amay, si Bernardo Bosch Hernández, ang naga-handle sang “legal situation.”
