Ginapaabot sang Department of Agriculture (DA) nga makuha na sa masunod nga bulan ang approval sang Food and Drug Administration (FDA) kaangot sa commercial rollout sang African swine fever (ASF) vaccines nga halin sa Vietnam.
Suno ini kay Agriculture Assistant Secretary Arnel de Mesa nga amo man ang spokesperson sang ahensya.
Suno kay De Mesa, ini nga mga bakuna ang epektibo bangud healthy ang kadam-an sa nabakunahan na nga mga baboy.
29,000 sa 160,000 available doses sang ASF vaccines ang na-administer na, lakip na ang 10,000 doses nga nabaton sang gobyerno paagi sa emergency procurement.
Agusto sang una nga ginpatigayon sang DA ang vaccination drive agud matapna ang outbreak sang ASF kaangay sang natabo sang 2019 nga nag-resulta sa binilyon ka pesos nga kapierdehan kag daku gid nga buhin sa local swine population.
