Nagpaandam sa publiko ang Food and Drug Administration (FDA) sa pagbakal kag paggamit sang Kirkland Signature Vitamin C tablet bangud indi ini rehistrado sa ahensya.
Naga-issue sang Certificate of Product Registration ang FDA agud pahanugutan ang manufacturers sang produkto nga magbaligya sang bulong agud nga masiguro nga safe ini kag epektibo.
Santu sa advisory nga ginpaguwa sang ahensya, indi nila masiguro ang kalidad kag safety sang nasambit nga bulong bangud wala ini nag-agi sa proseso.
Naghingyo man ang FDA sa local government units kag kapulisan nga siguruhon nga wala sang may ginabaligya nga kaangay nga bulong sa lugar nga nasakupan.
