Wala pa sang authorizatization halin sa US Government nga magpaguwa sang emergency allocation para sa bakuna apisar nga nagguwa na ang resulta sang COVID-19 vaccine sang Pfizer nga 95% ini nga epektibo.
Suno kay Bombo International Correspondent Arnel Gellada direkta sa Houston, Texas, isa sa mga correspondents sang Bombo Radyo Iloilo sa 50 ka mga estado kag isa ka distrito sang Columbia sa Estados Unidos, madamo sang mga healthcare workers ang nagapangduha-duha nga magpabakuna bangud mahimo nga may yara ini sang long term side effect.
May mga nagaguwa nga impormasyon pahayag niya nga ang mga healthcare workers amo ang una nga hatagan sang bakuna sa tion nga maaprubahan na ini sang US government.
Ginabanta nga subong nga bulan sang Disyembre matigayon na nga ma-authorize sang gobyerno ang emergency release sang COVID-19 vaccine.
