Ginalantaw sang Bangko Sentral ng Pilipinas (BSP) nga mangin steady lang ang inflation rate sa Pebrero, ukon mas manubo pa ipaanggid sa 2.9% nga na-rekord sang Enero.
Suno sa central bank, gina-forecast nga magtupa sa 2.2 percent – 3 percent ang inflation rate sa ikaduha nga bulan sa tuig.
Ginalapanan-aw nga magaapekto sa pagsaka sang inflation ang mas mataas man nga electricity rates kag oil prices, kag pagsaka sa presyo sang nagapanguna nga agricultural commodities kaangay sang isda kag karne.
Sa pihak nga bahin, ang makapanubo naman diri amo ang nagnubo nga presyo sang bugas, prutas, ulutanon, kag ang negative base effects.
Nahibaluan nga ang target sang gobyerno nga inflation rate amo ang 2-4 percent.
Kun balikan ang December 2024 BSP Survey of External Forecasters, ginsiling sang 24 economists nga gin-survey nga sa first quarter subong nga tuig, magatupa ang inflation rate sa average nga 2.6 percent kag makalab-ot naman sa 2.9 percent sa second quarter nga pareho nga sulod sa target sang gobyerno.
