ILOILO CITY – Tatlo ka mga pungsod ang nagserbe nga modelo sang ginaduso nga federal form of government sang Duterte administration.
Sa interview sang Bombo Radyo Iloilo, ginpahayag ni Department of Interior and Local Government (DILG) Assistant Secretary Epimaco Densing III, ang gindesignar ni Presidente Rodrigo Duterte nga overseer sang federalism movement, nagkuha sila sang konsepto sa gobyerno sang Germany, United Kingdom, Australia kag ang kaugalingon nga disenyo nga gindihon sang ahensiya.
Ginaplantsa pa ini suno kay Densing apang agresibo ang ila awareness campaign para sa federalismo kag nagpanaog na sa barangay level ang kampanya sang DILG.
Suno ka Densing, iya naman ginsapol ang nagkalain-lain nga grupo sa federalism movement agud isa lang ka mensahe ang mapalapta sang mga ini.
Target man sang Duterte administration nga madungan ang plebesito sa federalismo sa 2019 midterm elections.