ILOILO CITY- Nagpanawagan ang Federation of Free Farmers (FFF) kay Presidente Ferdinand Marcos Jr. nga i- apply ang prinsipyo sang agrarian reform sa mga pampubliko nga duta kag ipanagtag ang tanan nga agricultural areas nga ginauyatan ukon ginapanag-iyahan sang gobyerno.
Suno kay anay agriculture secretary kag Federation of Free Farmers chairman Leonardo Montemayor, ang iban nga ahensya sang gobyerno ang nagabalewala sang probisyon sang Executive Order (EO) 75 nga gin- issue ni anay presidente Rodrigo Duterte sang 2019.
Ang Order naga- require sa tanan nga unclassified public lands kag government-owned lands nga nagakaangay para sa agrikultura ukon indi na kinahanglan agud malab-ot ang ila orihinal nga katuyuan, ang i- turnover sa Department of Agrarian Reform kag ipanghatag sa kwalipikado nga benepisyaryo.
Ginhimo ni Montemayor ang apela sa tunga sang ginreport nga plano sang Department of Environment and Natural Resources (DENR) kag Department of Justice nga ipaarkilahan ang ila propedad sa idalom sang ila hurisdiksyon sa mga pribado nga korporasyon.
Gintumod sini ang anunsyo sang Department of Environment and Natural Resources nga ipa- bid ang minilyon ka ektarya sang nagkalakalbo nga kagulangan sa mga to pribado nga grupo sang mga negosyante.
