ILOILO – Nagapanawagan ang Federation of Iloilo Farmers Association sa Department of Agriculture (DA) Region 6 bangud wala pa mahatag ang mga binhi nga ginapahayag ginpromisa sa ila sang ahensya.
Sa interview sang Bombo Radyo kay Sonny Talibo, Presidente sang nasambit nga asosasyon, iya ginpahayag nga kinahanglan na sang mga mangunguma ang mga binhi bangud nga nag-umpisa na ang tig-ululan.
Suno kay Talibo, nakahanda na nga magtanom ang mga mangunguma apang wala sila sang may matanom bangud wala pa ang binhi.
Dugang pa sang natungdan, gin follow up na sang asosasyon sa ahensya ang ini nga problema sang Hunyo 10 ka nagalaum ang mga ini nga masolusyonan na ang ila nga ginpangayo.
Samtang nagpasalig naman ang si Mr. James Earl Ogatis, OIC Regional Agriculture and Fisheries Information Section sang DA, nga mahatagan sang binhi ang mga mangunguma antes matapos ang tuig 2019.
Nagpanugyan si Ogatis nga kinahanglan nga hitsuon na sang mga Local Government Units (LGU) sang kabanwahanan ang mga pangalan sang mga mangunguma nga apektado sang nakaligad nga El Niño.
