ILOILO CITY – Napuhag ang mga residente sa Yulo Arroyo, City Proper sa Iloilo City matapos makit-an ang isa ka babaye nga fetus.
Sa exclusive interview sang Bombo Radyo kay Barangay Kagawad Felixberto Cabales, nakit-an ang fetus nga ginabanta tatlo tubtub apat bulan sa dalan pakadto sa isa ka building sa nasambit nga lugar.
Nagdumdom pa suno sa natungdan ang mga residente nga isa ini ka ilaga apang sang ila nga ginpalapitan, diri kag nakumpirma nga isa ini ka fetus.
Suno sa kagawad, ila na lang nga ginsulod ang fetus sa garapon kag gindala sa simbahan agud mabendisyunan sang pari antes ilubong.
Posible nga ini ang anak sang isa ka dumuluong bangud sa duag sang panit sang bata.
Sa subong, wala sila sang ideya kun sin-o ang iloy nga wala sang kaluoy nga nagpahulog sang iya ginabusong kag ginbilin lang sa dalan.
Nahibaluan nga ang lugar sa diin nakit-an ang fetus ang kilala nga pugad sang mga “freelance” sex workers.