CABATUAN, ILOILO – Nasapwan ang isa ka fetus nga nakasulod sa plastic bag sa talamnan sang saging sa Barangay Tuy-an, Cabatuan, Iloilo.
Sa interview sang Bombo Radyo kay Police Captain Dionisio Estacio, hepe sang Cabatuan Municipal Police Station, iya ginpahayag nga isa ka barangay tanod ang nakakita sang plastic samtang nagapang-lawig ini sang karabaw.
Sang ginbuksan sini ang plastic, nakita sini ang fetus.
Gilayon naman ini nga nagpangayo sang bulig sa mga pulis sa diin gindala ang fetus sa ospital kag sa ulihi sa punerarya.
Natalana naman nga ipaidalom sa autopsy examination ang fetus nga isa ka babaye kag ginabanta naga-edad ang pito ka bulan.
Padayon naman ang imbestigasyon sang mga otoridad kag pagpangita sang naghaboy sang fetus.
