ILOILO CITY– Ginmisahan kag ginlubong nalang ang fetus nga nakit-an sa boundary sang Barangay Montinola kag Our Lady of Lourdes, Jaro, Iloilo.
Sa interview sang Bombo Radyo kay Barangay Tanod Sol Lincopines sang Brgy. Our Lady of Lourdes, iya ginpahayag nga nakit-an sang mga pumuluyo sa lugar ang nasambit nga fetus nga nasulod sa botelya sang dextrose kag may nakasulat nga “Baby Ycoy.”
Suno kay Lincopines, isa ka lalaki halin sa West Visayas State University Medical Center ang nagsugo sa trisikad driver nga ilubong ang nasambit nga fetus apang nawigit ini.
Ginkuha naman sang katapo sang Jaro police station ang fetus.
Tubtob subong, wala pa makilal-an kon sin-o ang pamilya sang fetus.
