Ginsalbar na naman ni Justin Brownlee ang Gilas Pilipinas!
Abante na ang national team sa quarterfinals sang FIBA Asia Cup 2025 matapos ginlutos ang Kingdom of Saudi Arabia, 95-88.
Napwersa ni Brownlee nga mag-overtime ang hampang paagi sa tres nga napasulod sini sang manugtapos na ang fourth quarter kag nagpatas sa hampang sa 79-79.
Siya man ang nanguna sa team nga may 29 points, 5 assists, kag 4 rebounds. Ginsundan ini ni AJ Edu nga may 17 points, 11 rebounds, kag 4 assists, samtang nagtapos man si Kevin Quiambao nga may 17 points.
Ini na ang ikaduha nga sunod-sunod nga kadalag-an sang Pilipinas sa tournament matapos ginlutos man ang Iraq sang Sabado sang hapon. Nangin mabudlay ang banas sini bangud nga napierde ini sang Chinese Taipei kag New Zealand sa group phase.
Atubangon sang Gilas sa quarterfinals ang two-time defending champion nga Australia.
Box scores:
Gilas Pilipinas 95 – Brownlee 29, Edu 17, Quiambao 17, Ramos 13, Fajardo 6, Tamayo 5, Thompson 4, Newsome 4, Malonzo 0, Aguilar 0, Perez 0.
Saudi Arabia 88 – Abdur-Rahkman 33, Alsuwailem 26, Almuwallad 10, Abdel Gabar 8, Mathna Almarwani 4, Kadi 3, Belal 3, Mohammed Almarwani 1, Shubayli 0.
