Ginkabos ang Gilas Pilipinas nga malutos ang New Zealand Tall Blacks, 66-69, sa second window sang FIBA Basketball World Cup 2027 Asian Qualifiers sa Mall of Asia Arena subong nga gab-i, Pebrero 26.
Ini ang una nga kalutusan sang Philippine National Team sa qualifiers matapos ang 2-0 sweep batok sa Guam sa first window.
Nangin top scorer para sa New Zealand si Max Darling nga may 11 puntos, samtang may double-double performance si Sam Mennenga nga may 10 points kag 14 rebounds.
Sa Gilas, nagpanguna si Dwight Ramos nga may 16 points kag eight rebounds, kag may 15 points naman si CJ Perez. Ginbudlayan naman nga makapuntos si Justin Brownlee nga naka-kuwatro lamang sa pagtakop sang hampang.
2-1 na subong ang record sang Gilas sa Group A. Sunod nga atubangon ni Coach Tim Cone kag sang national team ang Australia sa Domingo sa amo man gihapon nga venue.
Nagsaka naman ang record sang Kiwis sa 1-2.
