Ginlutos sang Mexico ang Gilas Pilipinas, 84-77, sa ulihi nga tune-up game antes ang opisyal nga pagbukas sang FIBA World Cup 2023.
Sa hampang sa PhilSports Arena, nagmato-mato ang Gilas nga wala ang Utah Jazz star nga si Jordan Clarkson nga amo anay ang nagpanguna sa Pilipinas sa 85-62 nga kadalag-an sa Ivory Coast kag 102-85 nga kalutusan sa kamot sang Montenegro.
Nagpanguna sa Gilas si Scottie Thompson nga may 14 points, 6 rebounds, kag 5 assists.
Wala na sang iban nga Gilas players nga naka-rehistro sang double figures.
Nakatipon si Dwight Ramos sang 9 points, 3 rebounds, 3 assists, kag 2 blocks; si Roger Pogoy ang nagbubo sang 9 points; samtang sanday Kai Sotto kag Jamie Malonzo ang lunsay naghatag sang otso puntos.
Sa group play, nagtupa ang Mexico sa Group D nga magahampang sa Montenegro, Lithuania, kag Egypt sa Mall of Asia Arena.
Balantayan naman ang Gilas sa Group A kaupod sa Dominican Republic, Angola, kag Italy. #
