Nangin maragtason nga adlaw ang Lunes para sa South Sudan kag Cape Verde, duha ka mga teams nga pareho nga debutants subong nga FIBA World Cup 2023.
Ang Cape Verde amo ang pinaka-gamay nga nasyon subong nga World Cup, ika-64 sa FIBA ranking, apang gintumba sini ang World. No. 17 nga Venezuela, 81-75, sa hampang sa Group F sa Okinawa Arena sa Japan.
Ang South Sudan naman ang nagapang-62 lamang sa FIBA ranking kag amo ang pinakabata nga nasyon sa World Cup nga nahatagan lamang sang kahilwayan 12 ka tuig pa lang ang nakaligad.
Sa bulig sang Chicago bulls star nga si Carlik Jones, ginkibot sini kag ginlutos ang China, 89-69, sa group match sa Smart Araneta Coliseum.
Pareho nga buhi ang paglaum sang duha ka teams para sa round of 16 kag pareho man nga nagapa-indis-indis kun sin-o ang mahatagan sang slot para sa automatic qualifier sang Africa para sa Paris Olympics.#
