Nag-abot na sa Pilipinas kag nagsugod na sa paghanas para sa Final Phase sang FIBA World Cup 2023 ang pinakadalagku nga National Basketball Association (NBA) stars sa guwa sang Team USA.
Nagapanguna sa listahan amo ang ginakabig “brightest star”, crowd favorite, kag potential Most Valuable Player (MVP) nga si Luka Doncic sang Dallas Mavericks nga amo ang naghakwat sa Slovenia nga makasulod sa quarterfinals.
Sa lima ka hampang sang Slovenians subong nga tournament, isa ka bes lamang ini nga nalutos paagi sa kamot sang isa ka powerhouse team nga Germany.
Magluwas kay Doncic, yara man ang rising basketball power nga Canada nga puno man sang NBA standouts apang ginapangunahan sang superstar nga si Shai Gilgeous-Alexander nga nagahampang para sa Oklahoma City Thunder.
Ginaka-kulbaan man sa tournament ang Canadians bangud sila ang naglutos sa defending champions nga Espanya sa second round.
Yara man ang wala kaagi pierde nga team sang Germany nga ginapangunahan sang Toronto Raptors guard nga si Dennis Schroder.
Yari ang schedule sang mga hampang subong nga adlaw sa quarterfinals:
* 4:45 pm: Undefeated nga Lithuania vs Serbia nga ginapangunahan ni Atlanta Hawks star Bogdan Bogdanovic
* 8:40 pm: Italya sa pagpanguna sang Utah Jazz star nga si Simone Fontecchio vs ang perennial favorite nga Team USA
Buwas naman nga adlaw, Septyembre 6:
* 4:45 pm: Powerhouse team nga Germany vs World Cub Debutant nga Latvia
* 8:30 pm: Canada sa pagpanguna ni Shai Gilgeous-Alexander vs Slovenia ni Luka Doncic
Ini nga mga hampang ang lunsay patigayunon sa Mall of Asia Arena sa Manila. #
