Kun ang Gilas team captain nga si Japeth Aguilar ang pahambalon, 50% ang tyansa sang Pilipinas nga makadaog sa una sini nga sambuwa batok sa Dominican Republic buwas sa gab-i sa Philippine Arena sa Bocaue, Bulacan.
Nagapanguna sa Dominicans ang Minnesota star nga si Karl Anthony-Towns.
Magluwas sa 27-anyos nga three-time All-Star, yara man ang NBA standout kag Warriors swingman nga si Lester Quinones.
Suno kay Aguilar pagkatapos sang ila practice sa Araneta Coliseum, kinahanglan i-execute sang Gilas ang game plan, apang daku gid suno sa iya ang hangkat nga matumba sang Pilipinas nga pang-numero 40 sa world rankings ang Dominican Republic nga World Number 23.
Nagapanguna sa Gilas ang Utah Jazz star nga si Jordan Clarkson, veteran big man nga si June Mar Fajardo, kag young center nga si Kai Sotto. Yara man sa Final 12 ang skipper nga si Aguilar, Aj Edu, international players nga sanday Rhenz Abando, Dwight Ramos, kag Kiefer Ravena, PBA stars nga sanday CJ Perez, RR Pogoy Jamie Malonzo kag Scottie Thompson. #
