ILOILO CITY- Nadugangan sang duha lang ka units ang mga fiber glass boats nga nagabyahe sa Iloilo City -Guimaras and vice versa.
Sa interview sang Bombo Radyo kay Lt. Commander Edison Diaz, station commander sang Philippine Coast Guard Iloilo Station, iya ginpahayag nga gin-charter sang mga kooperatiba sa Jordan kag Buenavista ang nasambit nga mga fiber glass boats nga naghalin sa Boracay, Aklan.
Suno kay Daiz, bangud sa gindugang nga fiber glass boats, anom na ka mga sakayan ang nagabyahe sa ruta nga Iloilo City- Buenavista and vice versa samtang apat na ang nagabyahe sa ruta nga Iloilo City- Jordan and vice versa.
Matandaan nga ginpauntat sang Maritime Industry Authority ang byahe sang wooden-hulled motorbanca matapos nga nga nag-expire na sang Disyembre 31,2020 ang Certificate of Public Convenience nga nagahatag pahanugot sa pagbyahe sang mga motorbanca kag wala man ginpamatian sang ahensya ang hingyo nga dugang nga extension.
