ILOILO CITY – Nadakpan sa ginpatigayon nga drug buy bust operation sang gintingob nga puwersa sang Regional Drug Enforcement Unit (RDEU) kag Janiuay Police Station ang katapo sang Odicta Drug Group.
Naglab-ot sa 33 ka mga sachet sang ginapatihan shabu ang nakuha gikan kay Edmund Defensor sang Damuong, Janiuay, Iloilo.
Ginpahayag sa Bombo Radyo Iloilo ni S/Insp. Joh Paul Guay, hepe sang Janiuay Police Station, si Defensor ang anay field supervisor sang transport business sang napatay nga drug lord nga si Melvin Odicta Sr.
Suno kay Guay, nagakuha sadto sang supply sang iligal nga droga si Defensor sa abogado nga upod sang mga Odicta.
Ang naaresto nga subject ang ginakabig sang PNP nga High Value Target Level 1 diri sa Iloilo.