ILOILO CITY – Gin-anunsiyo sang FIFA nga patigayunon sa 11 ka US cities kag tatlo ka host site sa Mexico kag duha sa Canada ang 2026 World Cup.
Ang 16 ka host cities amo ang masunod: Atlanta, Boston, Dallas, Guadalajara, Houston, Kansas City, Los Angeles, Mexico City, Miami, Monterrey, New York/New Jersey, Philadelphia, San Francisco, Seattle, Toronto kag Vancouver.
Desisyunan pa sang FIFA officials kun bala diin sa 16 ka syudad ang maga-host sang group play nga magin host sang elimination round matches.
Ang 2026 men’s World Cup ang labing una nga edition nga maga-feature sang 48 ka team kag una man nga tion nga ang mga hampang ang patigayunon sa tatlo ka mga pungsod.
Ini ang ikaduha na nga tion nga maga-host ang US pagkatapos sang 1994 kag ikatatlo sa Mexico pagkatapos sang 1970 kag 1986. Labing una man ini sa Canada apisar nga sang 2015, nangin host ini sang Women’s World Cup.
