Ginalantaw sang FIFA nga mas madamo pa nga mga teams ang makasulod sa World Cup kasunod sang pagselebrar sini sang ila 100th anniversary sa tuig 2030.
Ini matapos nga ginakonsiderar na sang nasambit nga asosasyon nga halin sa 48 ka grupo, 64 teams na ang possible nga makapartisipar sa masunod nga edisyon sang pahampang.
Madumduman nga subong nga tuig, ginpasaka sa 48 ang numero sang mga teams nga naghampang halin sa 32 national teams sa 2022 World Cup.
Luyag man sang FIFA nga magtukod sang independent agency agud nga tun-an ang nasambit nga expansion plan nga magadugang sang 16 ka mga pungsod nga magahatag sang dako nga oportunidad sa mga ini nga makapartisipar sa dako nga sports event.
Subong nga tuig, nadala pauli sang Espanya ang FIFA World Cup trophy matapos sini nga ginlutos ang 2022 World cup champion nga Argentina.
