Ginkumpirma sang FIFA nga ang koponan nga magadaog sa 2026 FIFA World Cup makabaton sang championship rings magluwas pa sa tradisyonal nga tropeyo kag medalya.
Ini ang una nga tion sa kasaysayan sang World Cup nga magahatag ang FIFA sang championship rings sa mga mangin kampeon.
Nahibaluan nga maga-atubangay ang Argentina kag Spain sa grand finals sa MetLife Stadium sa East Rutherford, New Jersey.
Suno sa FIFA, ang bag-o nga pagkilala may tinutuyo nga himuon bilang tradisyon para sa professional sports league sa Amerika.
Sa kabug-usan, 2,026 ka championship rings ang himuon.
Traynta sini ang para sa magadaog nga koponan, samtang ang nabilin nga 1,996 ipamaligya sa mga fans.
Pagkatapos sang final, ang captain kag head coach sang magadaog nga koponan makabaton sang temporaryo nga championship rings.
Ang isa ka bahin sang singsing magarepressentar sang FIFA World Cup Trophy, samtang ang pihak nga bahin sini igadisenyopara sa identity sang magadaog nga koponan.
Ginalauman sang Argentina nga madepensahan nila ang ila titulo kag mangin una nga men’s national team nga nagkampeon sa magkasunod nga World Cup halin pa sang 1962.
Sa pihak nga bahin, ginatinguhaan man sang Spain nga mabaton ang ila ikaduha nga World Cup title kag una nga kampeonato halin sang 2010.
Ang final sang 2026 FIFA World Cup natalana sa Hulyo 20, alas-3:00 sa aga oras sa Pilipinas sa MetLife Stadium sa East Rutherford, New Jersey.
