Balantayan 1:30 karon sa hapon (oras sa Pilipinas) ang hampang sang Philippine women’s national football team kontra sa New Zealand sa FIFA World Cup 2023.
Patigayunon ang hampang sa Wellington Regional Stadium kun sa diin ginalauman nga lunsay fans sang World Number 26 ang magakadto.
Preska ang New Zealand halin sa 1-0 nga kadalag-an batok sa World Number 12 nga Norway sa imbukada sang tournament. Ang Filipinas naman ang nalutos sa kamot sang Switzerland, 2-0, sa ila nga debut game.
Yara subong ang Filipinas sa pang-ulihi nga pwesto sa Group A nga may 0 point kag may -2 nga goal difference.
Nagapanguna naman sa group ang Switzerland nga may 3 points, +2 goal difference; sunod ang New Zealand nga may 3 points, +1 goal difference; kag ang Norway nga may zero point, -1 goal difference. #
