Wala sang nakabutang nga rematch sa fight contract nanday Japanese boxing superstar Naoya Inoue kag Pinoy boxer Marlon Tapales.
Apang suno kay Sean Gibbons, presidente sang Manny Pacquiao (MP) Promotions, wala sang mangin problema sa ila pananglitan pabalikon sila sa Japan para sa ikaduha nga pagkitaay sang duha ka boksidor.
Nagapati man si Gibbons nga si Tapales ang mangin labing-una nga unified Filipino champion pagkatapos sang sambuwa.
Ginpahayag dugang sang Filipino boxer nga excited na siya nga makaatubang sa ring si Inoue nga amo ang current pound-for-pound king.
1:00 karon sa hapon, Disyembre 25, patigayunon ang official weigh-in.
Lauman nga makit-an sa hampang sa Martes sang gab-i sa Tokyo si Bob Arum — ang top rank chief kag world’s greatest salesman sa boxing kag promoter sang Hall-of-Fame boxers kaangay kanday Muhammad Ali, Sugar Ray Leonard, Marvin Hagler, kag Manny Pacquiao.
Undefeated si Inoue (25-0 nga may 22 knockouts) kag amo ang naga-uyat sang World Boxing Organization (WBO) kag World Boxing Council (WBC) titles. Si Tapales naman ukon kilala nga “Nightmare” (37-3 nga may 19 knockouts) amo ang nagauyat sang korona sa World Boxing Association (WBA) kag International Boxing Federation (IBF).#
