Nadugangan pa ang gymnasts nga magatiglawas sang Pilipinas sa Paris Olympics subong nga tuig!
Ini matapos nakabulsa sang bronze medal ang 21-anyos nga Filipino-American nga si Emma Lauren Malabuyo sa individual all-around sa Women’s Artistic Gymnastics Asian Championships sa Tashkent, Uzbekistan, Mayo 24.
Nalab-ot sini ang ikatatlo nga pwesto matapos naka-skor sang 50.398 sunod kanday Hu Jiafei sang China (50.699) kag Qin Xinyi sang amo man nga pungsod (50.566).
Ang iya pagbulsa sang ticket padulong sa Paris ang ginkumpirma man sang Gymnastics Association of the Philippines, Philippine Olympic Committee, kag Philippine Sports Commission.
Ikaapat siya nga gymnast nga magadala sang hayahay sang Pilipinas sa Summer Games sunod kanday Carlos Yulo, Aleah Finnegan, kag Levi Jung Ruivivar.
Magluwas sa sini nga gymnasts, ang iban pa nga Pinoy nga sigurado na nga makahampang sa Olympiada subong nga 2024 amo sanday EJ Obiena, Nesthy Petecio, Aira Villegas, Eumir Marcial, John Ceniza, Vanessa Sarno, Elreen Ando, Joanie Delgaco kag Sam Catantan.
