ILOILO CITY–Gin-athag sang Fil-Pakistani na High Value Target sang Philippine National Police nga wala ini nagpalagyo sa Pendatun Police station sa General Santos City.
Sa interview sang Bombo Radyo, gin-athag ni Hamza Pechon Kayani, 28 anyos sang Tanza Esperanza Iloilo City Proper nga bisan isa ka minuto wala siya napreso baliskad sa pahayag nga ini ang nalagyo.
Suno kay Kayani, nagpadulong siya sadto sa Mindanao agud maglikaw sa Iloilo bangud madamo sang mga nagahaboy sang akusasyon sa iya.
Diri kag nag negosyo sila sang iya tiya sang baby backribs apang sa ulihi ginpadakop siya sa mga pulis sang iya tiya.
Sang gindala siya sa Pendatun Police station, wala man siya ginpreso kag ginpahalin lang sa istasyon bangud wala man sang kaso nga ginpasaka.
Matandaan nga may gintukod pa sadto ng task force agud magdakop kay Kayani matapos nalagyo sang Pebrero 22, 2016.
Si Kayani ang gindagdagan sadto sang warrant of Arrest bangud sa kaso nga murder.
