Nakatalana nga magahampang ang Filipina tennis star nga si Alex Eala bilang isa ka qualifier sa una nga round sang Dubai Tennis Championships, base sa ginpatigayon nga draw kahapon nga adlaw.
Una nga nahatagan si Eala sang wild card, apang nakasulod ini sa main draw matapos mag-atras si McCartney Kessler bangud sa injury.
Kun magmadinalag-on si Eala sa iya una nga hampang, may posibilidad nga makaaway niya ang world No. 8 nga si Jasmine Paolini sa masunod nga round.
Matandaan nga si Eala naghalin sa pagkapierde sa una nga round sang Qatar Open, apang antes sini nakadangat siya sa quarterfinals sang Abu Dhabi Open.
