Liwat nga magapasakop ang Filipina Tennis star nga si Alex Eala sa Miami Open sa masunod nga semana bilang No. 32 seed.
Bangud sini, direkta nga magasulod si Eala sa round 64 nga indi na kinahanglan nga maghampang sa una nga round.
Sang nagligad nga tuig, nakadangat si Eala hasta sa semifinals sang pareho nga tournament matapos sini malutos ang pila ka hangkilan nga mga Tennis players sa bilog nga kalibutan, rason nga mas nagtaas ang world ranking sini nga sa karun ang yara na sa world no. 28 sang Women’s Tennis Association (WTA).
Sa karun, ginapaabot man sang fans ni Eala ang iya hampang para sa Miami Open.
