ILOILO CITY – Malapit na lang nga makuha sang Filipina tennis star nga si Alex Eala ang kampyeonato sa Women’s Tennis Association Thailand Open matapos nga ginlutos si Han Xinyun sang China sa first round sang qualifiers sa True Arena sa Hua Hin.
Kinahanglan pa sang Rafael Nadal Academy scholar sang isa ka kadalag-an agud nga makasulod sa main draw sang $250,000 tournament.
Atubangon sini ang magadaog sa tunga nanday Ekaterina Yashina sang Russia kag Kristina Dmitruk sang Belarus sa katapusan nga bahin sang qualifiers.
Nahibaluan nga temprano pa nga na-disqualify si Eala sa 2023 Australian Open sa pinakauna niya nga Grand Slam appearance bilang isa ka pro.
Nagsaka man ang ranking sang Filipino prodigy sa Women’s Tennis Association bilang World No. 214.
Target ni Eala nga makasulod sa iya ikatatlo nga appearance sa main draw sang Women’s Tennis Association tournament matapos nakalab-ot sa second round sang 2021 WTA 250 Romania kag sa Miami Open sang nagligad nga tuig.
