Napaslawan nga magdaog ang Filipina tennis star nga si Alex Eala upod ang iya Swiss partner nga si Rebeka Masarova sa 2025 Lexus Birmingham Open doubles sa United Kingdom.
Nalutos sila sang second-seeded tandem nanday Ellen Perez kag Storm Hunter sang Australia sa score nga 6-4, 6-4.
Madumdoman nga naghimo man sang early exit ang 20 anyos nga si Eala sa clay courts sang France sa iya nga Grand Slam main draw debut sa Roland Garros.
Napyerde man sila sang iya Mexican partner nga si Renata Zarazua sang duo nanday Olga Danilovic sang Serbia kag Anastasia Potapova sang Russia sa Round 2 sang French Open doubles.
Ang pagpasakop ni Eala sa Birmingham ang kabahin lang sang iya preparasyon para sa palaabuton niya nga main draw debut sa 2025 Wimbledon nga hiwaton sa Hunyo 30 tubtob Hulyo 11 sa London.
